繼之前樓上漏水, 經過 3 個多月後同樓上交涉, 係大家都非常合作下, 漏水事件算係平息咗。
點知, 星期五返工刷牙洗面時發覺無水! 初頭以為係大廈供水有問題, 所以用著廚房食水先啦, 出門口時經過管理處問先知係我住個單位食水喉爆咗, 由於位置係外露於客廳的窗外, 樓下單位亦受到影響, 所以管理處臨時關上食水喉..
無食水比無咸水沖廁所更慘, 幸好親戚住係附近, 暫時有地方沖涼, 星期一晚約了師傅上來睇, 希望星期二可以搭棚做更換...
今年住屋水運, 希望財運亦都一樣啦! 😓
